Seit se de oide (so werd ’n de erst ’n Vorständ g ’nennt) Vorstandschaft anno 2000 dazua entschloss ’n hot, des Ois offiziell zum macha, san mia sogor a "gscheida" Verein. Abgekürzt hoaßt des nachad e.V. Unsa Vereinsheim is z ’ Aschheim in da Eichendorfstraß ’ 10 im Feststodl. Mia san dafia do, dass de oid ’n Traditionen und Brauchtümer erhoit’n bleib ’n und Aschheim des bleibt, was es ist: unsa Hoamat. Da Kern da ganz ’n G ’schicht is Kameradschaft, Toleranz und Gemeinschaftssinn. Mia san weder links no rechts und aa die Hautfarb’ is uns völlig egal. Solang oana mit Tradition wos o ’fanga konn, ned vorbestraft aber sunst guad drauf is, und scho ’ mindestens fünf Johr in Aschheim oder Dornach wohnt, konn er dabei sei! Mir feiern gern - wos ma bei unsane Festl und Veranstaltungen ja guad mitkriagt; kennan aber aa zu recht ’n Zeit vui arbat ’n. Bei da Tracht verstengan mir weniger Spaß (des is koa Faschingsgwand!) und so trog’n mir de mit Disziplin und Stolz. Ma kennt uns in kurzer brauner Lederhos ’n, besticktem Hemad, greana West ’n und graue Loferl. Mia wünschen Eich vui Spaß auf unsana Seit ’n und schauts Eich aa den Teil mit unsane Festl o.